10 Jahre Teamaerobic

E grossi Überraschig hetis sölle werde – pünktlich am 00.00 Uhr am 01.11.2020 heti üses 5köpfige Jubiläums-OK s’Gheimnis am Festli glüftet und de Fraue es Gschenkli überreicht.

De Plan isch coronabedingt bekanntlich nöd ufgange und üses Festli isch abgseid worde.
Churzentschlosse hend diä 5 OK-Fraue en chline Apéro organisiert und mir hend am 2.11. i de Turnhalle (mit gnüegend Abstand) üsen Rückblick uf Grossliinwand chönne luege.
Mit de letzte Folie, wo druf gstande isch, dass s’OK e Überraschig vorbereitet het, isch e grossi Kartonchistä id Halle gschobe worde…

dank üsem grosszügige Sponsor @zürcheraquatech hend mir alli e nigelnagelneui Jubiläums-Jacke übercho.! 🤩

Coronabedingt isch es Gruppefoti leider nonig möglich gsi. Trotzdem hend mir üsi riesig Freud bildlich festghalte und möchted üs so nomol vo ganzem Herze bim Roland und de Eveline Zürcher vo Zürcher Aquatech in Sommeri bedanke! 🤗🤩